Skrywers
Meer
BENODIG JY HULP om 'n boek te kies?
Medies
sorteer volgens
Die verpleegster het sy hart gesteel
Alison Roberts
Datum vrygestel: 2017-01-30
Die moeilikste ding wat dokter Luke Wilson ooit moes doen, was om die verpleegster Anahera Kopu noodgedwonge te verlaat, deur plig en begeerte aan twee geskeur. Sy besluit het verpletterende gevolge vir hulle albei. Luke se herverskyning op Wildfire-eiland in die Stille Oseaan keer Anahera se lewe heeltemal onderstebo. Sy het haar hart reeds een keer aan hom verloor, maar nou is daar iets veel kosbaarders om te beskerm – hulle dogter!
Ná een verbode nag
Amber McKenzie
Datum vrygestel: 2015-10-26
Vir die suksesvolle traumaspesialis, Chloe Darcy, is dit ’n marteling om in die geheim smoorverlief te wees op die charismatiese vaskulêre chirurg, Tate Reed. Hy is haar beste vriendin se vorige kêrel en beslis verbode terrein. Wanneer hulle smeulende aangetrokkenheid te moeilik word om te weerstaan, is dit onvermydelik dat hulle voor hulle behoefte sal swig. Tot hulle agterkom wat die onverwagte gevolge van hulle een verbode nag is ...
Van dokter . . . tot hertogin
Annie O'Neil
Datum vrygestel: 2016-11-30
Algemene praktisyn, Julia MacKenzie, se lewe is uiteindelik weer op koers. Die geveg om St. Bryar-kliniek te red, laat haar van haar hartseer vergeet en ’n nuwe toekoms, op háár terme, skep. Dit duur egter slegs tot Julia létterlik in onweerstaanbare dokter Oliver Wyatt se arms val. Skielik is haar hele wêreld onderstebo. Oliver is nie net die toekomstige hertog van Breckonshire nie, maar ook die man wat dreig om haar praktyk te sluit...
Die hubaarste dokter in Londen
Annie O'Neil
Datum vrygestel: 2017-05-02
Toe ’n besering Lina Keminsky, ’n prima ballerina, dwing om haar drome te laat vaar, gaan werk sy as ontvangsdame om kop bo water te hou. Maar om vir Londen se mees gesogte dokter, Cole Manning, te werk, is heeltemal anders as wat sy verwag het . . . Die vurige Lina kry dit gou reg om Cole se weerstand te laat verkrummel – maar kan hulle mekaar se harte heelmaak?
Skermutseling met ’n bevelvoerder
Charlotte Hawkes
Datum vrygestel: 2018-04-13
’n Affair met voorwaardes! Majoor Felicity Delaunay, traumadokter in die weermag, hou van die reëls en regulasies wat haar lewe rigting gee. Die aankoms van die onverskrokke alleenloper, kolonel Ash Stirling, dreig egter om haar wêreld onderstebo te draai! Ash het nie sy ongelukkige verlede oorkom om te kom waar hy vandag is deur nooit risiko’s te loop nie, maar hy oorskry nooit die perke nie...
Die Griekse dokter se geheime seun
Jennifer Taylor
Datum vrygestel: 2017-05-02
Verpleegster Amy Prentice neem haar seun na die eiland Constantis om hom aan sy Griekse herkoms bekend te stel. Die allerlaaste mens wat sy verwag om raak te loop, is dokter Nico Leonides – die man wat nege jaar gelede haar hart gebreek het . . . en Jacob se pa is! Dit kan nie weggeredeneer word dat Nico, namate hy Jacob leer ken, ’n uitmuntende pa is nie. Met hulle gemeenskaplike belangstelling in hul seun, vlam hulle vroeëre liefde weer op...
Haar vakansiewonderwerk
Joanna Neil
Datum vrygestel: 2017-03-01
Karibiese ontvlugting! Die talentvolle traumaspesialis Cade Byfield het skynbaar alles wat ’n mens se hart kan begeer, tog voel hy nog altyd iets ontbreek. Toe dokter Rebecca Flynn egter op die Karibiese Eilande aankom, begin Cade dink sy is heel moontlik die antwoord waarna hy op soek is. Maar dié geheimsinnige skoonheid verberg ’n ontsettende geheim – die gesin wat Cade wil hê, is die een ding wat sy hom waarskynlik nooit sal kan gee nie...
Die swierbol se versoek
Kate Hardy
Datum vrygestel: 2017-06-30
Nadat sy kort tevore in die steek gelaat is, weet verpleegster Isla McKenna sy moet die plesiersoeker, dokter Harry Gardiner, vermy. Maar daar steek heelwat meer in hom as wat mens dink, en toe hy hulp soek voor ’n familietroue, kan Isla dit nie weerstaan nie. Maar hulle naweek saam is uiters verleidelik en laat albei na baie meer smag . . .
’n Maand om ma te word
Louisa George
Datum vrygestel: 2014-07-25
Jessie Price het haar enigste kans op moederskap verloor. Dit veroorsaak haar voortdurend pyn, tot sy die ongelooflik sexy enkelpa dokter Luke McKenzie en sy lieflike klein dogtertjie ontmoet. Luke se bedwelmende soene en sy dogter se lieftallige drukkies laat Jessie hunker na die onmoontlike. Maar sy is ’n tydelike locum en die horlosie tik. Sy het net ’n maand om al haar wense te laat waar word ...
’n Storm van passie
Lucy Ryder
Datum vrygestel: 2017-03-29
Dokter Evelyn Carmichael se plan: 1. Reis na die Suidelike Stille Oseaan en verhoed haar suster se huwelik met die verkeerde man. 2. Kom so gou moontlik daar weg om weer op haar loopbaan te fokus. 3. Vermy alle mans. Hulle veroorsaak immers net probleme! Sake neem egter ’n onverwagte wending toe Eve se pad met dié van ’n sexy vlieënier, Chase Gallagher, kruis. Een kyk na hom en Eve is gereed om van haar plan af te sien ...
’n Kind om hul harte oop te maak
Marion Lennox
Datum vrygestel: 2017-09-11
Joni, ’n weeskindjie wat uit die see gered is, is Hettie de Lacey se laaste kans om ’n ma te word. Om die baba te behou, het sy egter dokter Max Lockhart se hulp nodig. Max is moeg vir verantwoordelikhede, maar word deur hunkering na die pragtige Hettie oorweldig. Kan hy sy rug op hulle draai terwyl alles omtrent Hettie en Joni hom dwing om te bly?
Veilig in die chirurg se arms
Molly Evans
Datum vrygestel: 2017-01-09
Noodverpleegster Emily Hoover keer as ’n nuwe vrou terug na Williamsburg. Sy is nie meer skaam en teruggetrokke soos voorheen nie, maar sterk, onafhanklik en niks skrik haar af nie. Haar enigste swakheid . . .? Aantreklike dokter Chase Montgomery. Die vonke wat tussen hulle spat, is so vurig soos altyd. ’n Vroeëre aanval op Emily dreig steeds om sake tussen hulle te verongeluk. Chase is vasbeslote om Emily te oortuig sy sal altyd veilig in sy arms wees...
Getroud ter wille van die baas se baba
Susan Carlisle
Datum vrygestel: 2017-06-01
’n Onverwagte baba . . . Toe die suksesvolle chirurg Grant Smythe se halfsustertjie wees gelaat word, is Grant vasbeslote om haar geborge en liefdevol groot te maak. In skrille kontras met hoe sy eie pa opgetree het. ’n Gerieflike aanbod . . . Sy aansoek om toesig oor die baba word teëgestaan en dit beteken Grant het vinnig ’n vrou nodig! Sara Marcum, die babaoppasser, is die ideale kandidaat vir die skynhuwelik...
Die dokter van haar drome
Wendy S. Marcus
Datum vrygestel: 2018-02-01
Verpleegster Kira Peniglatt het op die harde manier geleer haar bagasie is vir die meeste mans te veel om te hanteer – maar dan is dokter Derrick Limone ook nie soos die meeste ander mans nie. Hy is sorgsaam en ongelooflik sexy . . . Een vurige soen van Derrick laat Kira hoop . . . Het sy eindelik die man gevind oor wie sy altyd gedroom het?