Skrywers
Meer
BENODIG JY HULP om 'n boek te kies?
Modern
sorteer volgens
Die Castelli-geheim onthul
Caitlin Crews
Datum vrygestel: 2017-01-30
’n Erfgenaam vir Kersfees! Vyf jaar gelede het Lily Holloway weggeloop van ’n motorongeluk af, haar rug gekeer vir die verbode hartstog wat sy met haar stiefbroer, Rafael Castelli, gedeel het. Niks kon Lily laat terugkeer na die onweerstaanbare Italianer se veeleisende wêreld nie. Noudat hul paaie weer gekruis het, is sy desperaat om haar vryheid te behou en beweer geheueverlies sluit alle herinneringe aan hom uit...
Castelli se maagdelike weduwee
Caitlin Crews
Datum vrygestel: 2017-03-01
“Sint Kate is ’n mite . . .” Roekelose magnaat Luca Castelli dink hy weet alles van sy oorlede pa se weduwee Kathryn. Hy laat hom nie flous deur die poniepers se bewondering nie – sover dit hom aangaan, is hierdie jong, pynlik mooie vrou geen heilige nie! Wanneer die voorwaardes in sy pa se testament Luca dus dwing om Kathryn se hoof te word, neem hy hom voor om haar werkslewe vir haar so moeilik moontlik te maak ...
Die onstuitbare biljoenêr se tuiskoms
Carol Marinelli
Datum vrygestel: 2017-06-30
’n Plofbare weersiens! Elke aand wanneer prima ballerina, Anya Ilyushin, op die verhoog verskyn, dans sy net vir één mens – Roman Zverev – die man wat lank gelede haar hart verower en dit kort daarna gebreek het. Anya het die skerwe agter ’n ondeurdringbare muur versteek, maar toe Roman by haar kleedkamer instap, vlam die oorweldigende aantrekkingskrag tussen hulle weer op . . . Onder Roman se rykdom en wêreldwysheid sluimer ’n onverskrokke geaardheid – daar is trouens niks beskaafd aan sy gevoel vir Anya nie...
Onder die Brasiliaanse son
Catherine George
Datum vrygestel: 2012-07-01
Die skares se juigkrete in sy ore as hulle sy naam oor en oor dreunsing, was Roberto de Sousa se hoogste ideaal. Daarvan het nou net bitter gedagtes en berou oorgebly. Een blik na sy geskende gesig in die spieël plaas hom terug in sy kar toe dit die pad evrlaat en sy loopbaan as renjaer vernietig het. Niemand kan die kampioen uit die afsondering van sy herehuis lok nie. Doktor Katherine Lister is die enigste persoon wat ingenooi word – om ’n sonderlinge skildery te waardeer...
Verleiding in die sneeu
Helen Brooks
Datum vrygestel: 2012-07-01
Die verstandige Rachel Ellington is gewoond daaraan dat mans haar nie eintlik raaksien nie. Dit maak nie juis vir haar saak nie. Een maal tevore het ’n man haar verneuk, en dit was genoeg om haar lewenslank af te skrik. Nou stel miljoenêrsakeman Zac Lawson in haar belang. Waarom sou hy egter van haar hou? Angstig en onseker aanvaar Rachel Zac se uitnodiging na ’n Kerspartytjie buite die stad aan huis van ’n sakekennis...
Haar koninklike onskuld opgeëis
Jennifer Hayward
Datum vrygestel: 2017-05-02
Gevind! Toe Aleksandra Dimitriou onthul word as die geheime dogter van Akathinia se voormalige koning, word sy uit haar gemaklike bestaan en by ’n koninklike wêreld ingepluk . . . onder beskerming van Aristos Nicolades. Verbode . . . Aristos het opdrag om nie aan die onskuldige prinses te raak nie. Maar die beeldskone Aleksandra bring rebelse drange na vore wat die selfgemaakte Griekse magnaat gedink het hy lankal te bowe gekom het...
Die Marakaios-troue
Kate Hewitt
Datum vrygestel: 2016-04-25
Die Marakaios-troue Een toweragtige week was al wat dit geverg het vir die skaam Lindsay Douglas om dolverlief te raak op die charismatiese Antonios Marakaios. Maar ná ’n warrelwindtroue blyk die druk en eensaamheid daarvan om die trotse Griek se vrou te wees, te veel vir Lindsay en is haar enigste uitweg om weg te gaan. Nou het haar vasberade man teruggekeer met net een eis: dat sy ’n familiebyeenkoms moet bywoon in ruil vir ’n finale skeiding...
Bestem vir die woestynkoning
Kate Walker
Datum vrygestel: 2017-05-02
’n Gerieflikheidskoningin? Daar is geen twyfel nie dat hulle huwelik een van gerief en politieke taktiek is. Maar die skaam skoonheid Aziza El Afarim hoop in die geheim dat haar man – die seun wat sy eenmaal bewonder het – iets sal onthou van die toegeneentheid wat hulle as kinders gedeel het. Behalwe dat sjeik Nabil bin Rashid Al Sharifa glad nie meer die seun is wat hy was nie. Die las van verlies en mag het hom onherkenbaar verander...
Geërf deur Ferranti
Kate Hewitt
Datum vrygestel: 2017-05-02
Die wegloopbruid se terugkoms! Dit is sewe jaar sedert Sierra Rocci vir Marco Ferranti op die vooraand van hul geriefshuwelik gelos het. Nou is sy terug in Sisilië om haar erfporsie in ontvangs te neem – net om te vind alles wat haar naam dra, behoort aan Marco! Marco dag die wraak sou soeter wees . . . Maar dit is nie so soet soos die herinnering aan Sierra se skugter soene nie. Hy behoort hierdie keer sy rug vir háár te draai, maar Marco het Sierra nodig om hom met sy jongste sakeonderneming te help...
Die doring in sy vlees
Kim Lawrence
Datum vrygestel: 2013-04-04
Libby Marchant se eerste ontmoeting met haar baas is per ongeluk – ’n ongeluk met Rafael Alejandro se luukse sportmotor! Die onvoorspelbare en aanloklike Libby gooi Rafael heeltemal van balans af, maar aangesien sy ’n werknemer is, kan hy haar gelukkig op ’n afstand hou . . . Of ten minste, dis die plan – want in die perfek geoliede masjien van Rafael se lewe is daar geen ruimte vir dinge wat sy aandag aflei nie...
Onder die Argentyn se beheer
Lucy Ellis
Datum vrygestel: 2017-06-01
Gestrand en verlei! Lulu Lachaille se geheime agorafobie gaan haar nie weghou van haar beste vriendin se groot dag nie. Alles is vir haar heeltemal vreemd, maar dit is nie die rede hoekom haar hart op loop sit nie . . . Siniese hoofstrooijonker en Argentynse poloheld Alejandro du Crozier verpes troues, totdat hy ongerieflik in die Skotse Hoogland met die aanloklike hoofstrooimeisie gestrand raak! Onervare Lulu is eenvoudig te begeerlik vir Alejandro om nie voor haar te swig nie...
Leonetti se huishoudster-bruid
Lynne Graham
Datum vrygestel: 2017-03-28
Sy onskuldige vrou . . . ’n Huwelik is die allerlaaste waarmee Gaetano Leonetti opgesaal wil wees. Maar nou het sy oupa bepaal as hy bestuurshoof van die familie se bank wil word, moet Gaetano ’n gawe, doodgewone meisie vind om mee te trou. Oortuig dat sy oupa nie al sy varkies het nie, besluit Gaetano om hom met die huishoudster Poppy Arnold te uitoorlê. Vanweë haar uitgesprokenheid en ongewone kleresmaak is sy beslis nie van die regte stoffasie vir ’n eggenote nie! Maar kort voor lank bekoor die hardwerkende, selfopofferende Poppy sy oupa so dat Gaetano opgeskeep sit met ’n huwelik wat hy nie wil hê nie, en ’n bruid wat hy onheilig begeer! Maar kan hy hom régtig die kosbare gawe van haar maagdelikheid toe-eien nadat hy vir haar ’n strik gestel het om te misluk?
’n Fout, ’n prins en ’n swangerskap
Maisey Yates
Datum vrygestel: 2013-05-22
Ná ’n flater in ’n kliniek vir in vitrobevrugting verwag die geswore enkelloper Alison Whitman die baba – nee, vorstelike afstammeling – van Maximo Rossi, prins van Turan. Maximo het lankal alle hoop op vaderskap laat vaar, maar toe hy uit die bloute ’n tweede kans kry, gryp hy dit meedoënloos aan. Die prins is egter tradisievas en wil niks weet van ’n onegte erfgenaam nie ...
Die Griek se bevryding
Maisey Yates
Datum vrygestel: 2017-06-01
“Ek besit jou onderneming, ek besit jou.” Elle St. James kan haar woede nie beteuel wanneer sy aan die man dink wat sy vroeër as familie beskou het nie. Apollo Savas het haar pa se onderneming genadeloos vernietig. Maar die troefkaart is in haar hand. Elle is vasbeslote om haar stiefbroer te stuit. Hy is immers haar geheime fantasie en terselfdertyd haar grootste vyand. Haar verbode begeerte lei tot een onvergeetlike aand wat die onskuldige Elle se hele lewe eensklaps verander...
Onwillige oorgawe
Penny Jordan
Datum vrygestel: 2012-05-01
Saul Parenti vereis die beste. Daarom stel hy Giselle Freeman aan om vir hom te werk. Bekend as die Yskoningin, beskik sy oor ’n afsydige houding en kil skoonheid. Tog vermoed Saul dat vurige passie onder die ysige uiterlike skuil. Weens haar traumatiese vroeë kinderjare het Giselle ystermure om haar hart gebou. Nou werk sy saam met die man wat daardie skanse wil afbreek. Die seksuele spanning bereik breekpunt...
Die sjeik se laaste minnares
Rachael Thomas
Datum vrygestel: 2017-05-02
Bevorder tot prinses! Destiny Richards weet sy speel met vuur toe sy die charismatiese sjeik Zafir al Asmari se werksaanbod aanvaar. Dit lyk egter na ’n billike prys om ’n nuwe lewe te kan begin. Tot die temperatuur kookpunt bereik en Destiny haar betrap dat sy ’n onvergeetlike nag met die sjeik deurbring! Toe Zafir vir Destiny verlei, het hy geen benul dat sy die titel as sy laaste minnares sal hou nie...
Terug in die Brasiliaan se bed
Susan Stephens
Datum vrygestel: 2017-01-09
Hy is terug in haar lewe . . . Die geleentheidsbeplanner Karina Marcelos is die voorste op haar gebied, maar probeer steeds vergeet van die polospeler Dante Baracca, ’n losbol wat haar hart gebreek het. Tien jaar gelede het sy haar onskuld aan hom verloor – maar dis nie al wat sy ná daardie rampspoedige nag verloor het nie . . . Sy is terug in sy bed! Dante moet die Gaucho-beker reël en weet Karina is die beste keuse vir die taak...
Gebonde aan die Toskaanse biljoenêr
Susan Stephens
Datum vrygestel: 2017-03-29
Nege maande om wat syne is op te eis! Vir tuinier Cassandra Rich is haar werk op ’n Toskaanse landgoed ’n uitkoms. Hier kan sy die verlede ontvlug. Tot die eienaar onverwags opdaag – en haar net so onverwags raaksien . . . Marco di Fivizzano kan sy oë nie van die verruklike tuinwerker afhou nie. Maar wie is sy werklik? Toe hy dus ’n metgesel vir ’n gala-geleentheid benodig, is dit sy kans om die vurige blondine te ontmasker – hetsy tydens die dinee, hetsy in sy bed! In Marco se arms ontluik Cass as ’n meelewende gespreksgenoot, vind sy die vryheid waarna sy gehunker het ...
Verbode nag met die Griek
Susanna Carr
Datum vrygestel: 2017-01-30
Stergios Antoniou het sy stiefsuster, Jodie Little, laas gesien die nag toe hulle uiteindelik toegegee het aan hulle verbode aangetrokkenheid tot mekaar. Jodie, die molesmaker wat die deur gewys is. Toe hy te midde van ’n uiters belangrike saketransaksie hoor sy is terug in Athene, ontvoer hy haar na sy privaat eiland. Hy kan nie toelaat dat haar teenwoordigheid die transaksie in die wiele ry nie...
Die sjeik se swanger gevangene
Tara Pammi
Datum vrygestel: 2017-03-01
Vir Zafir al Masood, die nuwe sjeik van Behraat, was om die vurige Lauren Hamby te verlaat die moeilikste ding wat hy nog moes doen. Gebind deur ’n lewe van eer, is sy vuurwarm warrelwindaffair met Lauren die enigste vryheid wat Zafir hom al ooit veroorloof het. Maar nadat hy uitvind Lauren verwag sy kind en was van plan om dit geheim te hou, neem Zafir sy passievolle minnares gevange. Anders as hy, sal sy baba nié ’n sjeik se buite-egtelike erfgenaam wees nie...
Verbode nag met die Griek
Susanna Carr
2017-01-30
Sien Meer
Bestel